.

.

2010/07/11

爆笑中文名 (轉貼)

粵音有時好搞笑,從前新加坡有個製片商,叫吳添丁,佢個太太梗係叫吳曉生la 。
我個仔叫金昉(昉,日初明也),佢讀小學時,成日俾同學笑「金舫夜總會」(在香港北角)、「金舫絲苗米」、「金紡衣物柔順劑」...

最近阿登又傳來如下笑話:

"兩父子, 阿爸叫李杰, 個仔叫李仲杰"!
"三兄妹: 游詠富, 游詠依, 游詠慈" ... 游世伯, 咁大整古呀!

上次去台灣某銀行「唱」台幣...睇一睇櫃面個名牌...!
個服務員叫"吳曉郁"...一行六人冇個忍到笑....!

仲有,有冇聽過人叫"陸浩昌, 伍浩昌"?
"陸浩昌先生, 請即到5 號窗; 伍浩昌先生,請即到6 號窗!"

吳潔芬, 唔......新時代女性,一於同居算。
有次係商場,有個男人唔見咗個仔,於是就搵Security Guard 幫手, 係商場廣播,話佢爸爸係門口等佢?
廣播內容係如下:"徐家權小朋友,你爸爸徐定富係門口等你?"

知唔知個「費」字做姓氏,果陣讀「秘」音架...
差人:差人查身分證....叫咩名.....
路人:費密(秘密)
差人:差人做野呀.....咪玩la.....
費密:都話費密(秘密)咯......
差人:仲玩?!阻差辦公呀.....拎身分證黎!
費密乖乖遞過身分證畀差人.....
差人:哦....原來係費密(廢物)吖?.....
費密:唔係lai...係費密吖(秘密)....
差人:費密(廢物)就費密(廢物)la....秘乜鬼密吖.....!!! 神神秘秘咁..... 係就係核突D......
費密:........-_-#!!!

A: 你叫咩名呀?
B: 鍾定英(中定英?)
A: 中文啦
B: 鍾定英呀~~~~
A: 咁英文啦~~~~
B: Chung Ting Ying
A: ................-_-#!!!

切記,唔怕生錯相,最怕改錯名。

1 則留言:

我的網誌清單